Casa de palla, casa de madeira, casa de pedra e ladrillo… Diferentes materiais para tres porquiños ben distintos entre si -un moi preguiceiro, outro algo traballador e outro moi traballadorque, nembargantes, teñen unha cousa en común: o medo ao lobo. Un conto popular inglés de estrutura repetitiva que invita a ler, contar, soprar e resoprar, nunha noite de inverno á calor do fogar; como fixeron os protagonistas cando venceron a adversidade. “Os tres porquiños” evoca a evolución do ser humano, dende a inmadurez inicial ata a condición de adulto, coa aprendizaxe que conleva a superación dos problemas que se van presentando ao longo da vida. Os pequenos lectores serán quen de extraer as súas propias conclusións da historia.