Irati, Usoaren lagun mina, ez da betiko Irati. Arraro baino arraroago dabil azken boladan. Ikasturte hasiera ere oso gorabeheratsua gertatu zaie. Horregatik guztiagatik erabaki du Usoak, Manexekin batera, Irati zelatatzea: bitxi batzuekin zer egiten duen jakin nahi dute, edo zer gertatzen zaien haren gurasoei, edota, azkenik, zertan dabilen mutil ezezagun batekin… Eta hori guztia jakin bitartean, ustekabean, Manex Usoaren lagun mina bilakatuko da.